Ֆրանսիան նվազագույն հաշվով հաղթեց Իռլանդիային. Եվրո-2019
23:32, 18 Հուլիս 2019
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Երևանում ընթացող ֆուտբոլի Եվրոպայի մինչև 19 տարեկանների առաջնության B խմբում երկրորդ տուրում միմյանց դեմ մրցեցին Իռլանդիան և Ֆրանսիան:
«Արմենպրես»-ի հաղորդմամբ՝ «Բանանց» մարզադաշտում կայացած խաղի առաջին կեսում դարպասի գրավում այդպես էլ չարձանագրվեց, թեպետ կային «սուր» պահեր: Երկրորդ կեսի ավարտին՝ 83-րդ րոպեին Ֆրանսիայի ընտրանին Իսիդորի շնորհիվ առաջ անցավ հաշվի մեջ: Այսպիսով՝ Ֆրանսիան հաղթեց նվազագույն հաշվով և մնում է մրցաշարային աղյուսակի առաջատար:
Վերջին տուրում Նորվեգիան կխաղա Ֆրանսիայի հետ, իսկ Իռլանդիան կմրցի Չեխիայի հետ:
Բաժանորդագրվեք մեր ալիքին Telegram-ում