Երևանում՝ 11:07,   19 Մարտ 2024

Մարտունու բժշկական կենտրոնը կունենա  արդի չափանիշներին համապատասխան նոր շենք

Մարտունու բժշկական կենտրոնը կունենա  արդի չափանիշներին համապատասխան 
նոր շենք

ԳԱՎԱՌ, 18 ՀՈՒԼԻՍԻ, ԱՐՄԵՆՊՐԵՍ:  Գեղարքունիքի մարզի Մարտունի քաղաքի բժշկական կենտրոնի դահլիճում հանրային քննարկման ներկայացվեց նոր բժշկական կենտրոնի շենքի կառուցման նախագիծը: «Արմենպրես»-ի տեղեկացմամբ՝ հանրային քննարկման  էին հրավիրված Մարտունու քաղաքապետարանի, բժշկական կենտրոնի, հասարակական կազմակերպությունների, շահագրգիռ այլ կառույցների ներկայացուցիչներ, անհատ քաղաքացիներ: Հանրային քննարկմանը մասնակցեցին Գեղարքունիքի մարզպետի խորհրդական Անուշավան Ղազարյանը, Գեղարքունիքի մարզպետարանի քաղաքաշինության վարչության պետ Արմեն Զոհրաբյանը, առողջապահության եւ սոցիալական ապահովության վարչության պետի պաշտոնակատար Լուսինե Վարդանյանը,  ՀՀ ԿԱ առողջապահական եւ աշխատանքի տեսչության  արեւմտյան տարածաշրջանի պետի պաշտոնակատար Անուշ Պողոսյանը, ՀՀ ԱՆ առողջապահական ծրագրերի իրականացման  գրասենյակի տնօրեն Քրիստինե Սարգսյանը, Մարտունու բժշկական կենտրոնի տնօրեն Անդրանիկ Հարությունյանը, պաշտոնատար այլ անձինք:

Նորակառույց  բժշկական կենտրոնի շենքի նախագիծը քննարկման մասնակիցների ուշադրությանը  ներկայացրին ՀՀ ԱՆ առողջապահական  ծրագրերի իրականացման գրասենյակի հիվանդանոցային բաղադրիչի մասնագետ Սյուզան Ամրիկյանը եւ նախագծի գլխավոր ճարտարապետ Ռուզաննա Մամյանը: Ըստ բանախոսների՝ Մարտունու նորակառույց բժշկական կենտրոնը լինելու է միահարկ՝ ընդգրկելով 4280 քառակուսի մետր օգտագործելի մակերես: Բժշկական նորակառույց ու արդի բուժսարքավորումներով հագեցած կենտրոնն ունենալու է 55 մահճակալ՝ չհաշված հեմոդիալիզ իրականացնող ծառայության մահճակալները: Կառուցվելու է 1 ընդհանուր մասնաշենք՝ վեց բաժիններով: Նորակառույց ԲԿ-ում գործելու են ընդունարան, շտապ օգնության կայան,  արյան փոխներարկման կենտրոն, վիրահատական երկու բլոկ,   հեմոդիալիզի, ինտենսիվ թերապիայի, պոլիկլինիկայի, թերապեւտիկ, ինֆեկցիոն, վիրաբուժական բաժանմունքներ:Հաշմանդամություն ունեցող անձանց համար բոլոր բաժանմունքների մուտքերն ապահովվելու են թեքահարթակներով: Մուտքը լինելու է Գետափնյա փողոցից: Նախատեսված է նաեւ ուղղաթիռի վայրէջքի հրապարակ:

Քննարկման ընթացքում շահագրգիռ կառույցների եւ անհատ քաղաքացիների կողմից եղան մի շարք առաջարկներ: Շինարարական պայմանագրերն ակնկալվում է կնքել 2019 թվականի նոյեմբերին:

Խոսրով Խլղաթյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]