Հրշեջ փրկարարական ջոկատների շենքերը կհիմնանորոգվեն
19:29, 18 Հուլիս 2019
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Կառավարությունը «ՀՀ 2019 թ. պետական բյուջեի մասին» ՀՀ օրենքում փոփոխություններ կատարեց և 11 մլն 350.6 հազար դրամ հատկացրեց Արտակարգ իրավիճակների նախարարությանը:
Ինչպես փոխանցում է «Արմենպրես»-ը, որոշման նպատակը Փրկարար ծառայության շենքային պայմանների բարելավումն է: Արդյունքում կապահովվի ԱԻՆ Փրկարար ծառայության հրշեջ փրկարարական ջոկատների շենքերի և շինությունների հիմնանորոգման, Մարտունու և Գավառի ՀՓՋ-ների շենքերի ջեռուցման և 12 x 6 մետր չափերով կցակառույց կայանատեղերի կառուցման աշխատանքների նախագծանախահաշվային փաստաթղթերի կազմումը:
Բաժանորդագրվեք մեր ալիքին Telegram-ում