Խանջյանից Հերացի տանող անցուղում բեռնատարը կողաշրջվել է, տուժածներ չկան
12:13, 17 Հուլիս 2019
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Երևանի կենտրոնական փողոցներից մեկում բեռնատար է կողաշրջվել: Ինչպես «Արմենպրես»-ին տեղեկացրեցին ՀՀ ոստիկանության լրատվական ծառայությունից, հուլիսի 17-ին՝ առավոտյան ժամը 11:10-ի սահմաններում, Խանջյանից Հերացի տանող անցուղում բեռնատարը հարվածել է անցման վերևի հատվածի պատնեշին և ավտոմեքենայի վրա գտնվող կոնտեյները շուռ է եկել:
«Ներկայում տեղում համապատասխան մարմինների կողմից աշխատանքներ են իրականացվում, տուժածներ չեն եղել»,-փոխանցեցին Ոստիկանության լրատվական ծառայությունից:
Բաժանորդագրվեք մեր ալիքին Telegram-ում