Փոխնախարարն անհրաժեշտ է համարում ծնողավարման հմտությունների պակասի լրացմանն ուղղված աշխատանքը
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Հայաստանի տարբեր մարզերից դեռևս ստացվում են ահազանգեր սեռով պայմանավորված հղիության արհեստական ընդհատման մասին, ինչը խոսում է երկրում ծնողավարման հմտությունների պակասի և այդ ուղղությամբ աշխատանքի անհրաժեշտության մասին։ «Արմենպրես»-ի հաղորդմամբ՝ նման կարծիք հուլիսի 16-ին հրավիրված՝ կանանց հիմնախնդիրների վերաբերյալ քննարկման ժամանակ հայտնեց ՀՀ աշխատանքի և սոցիալական հարցերի փոխնախարար Ժաննա Անդրեասյանը:
«Տարբեր մարզերից շարունակում են ահազանգել սեռով պայմանավորված հղիության արհեստական ընդհատման մասին։ Մեր երկրում ծնողավարման հմտությունների պակաս կա։ Պետք է աշխատենք այս ուղղությամբ»,- նշեց Անդրեասյանը։
Նրա խոսքով՝ ՀՀ գյուղական համայնքներում դեռևս առկա են գենդերային խտրական արմատացած մոտեցումներ, ինչպես նաև կարծրատիպային մոտեցումներ հասարակական կյանքի տարբեր ոլորտներում աղջկա կամ կնոջ դերի նկատմամբ:
Բաժանորդագրվեք մեր ալիքին Telegram-ում