Հուլիսի 16-ին սպասվող իրադարձությունները
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հուլիսի 16-ին, մամուլի ասուլիսով հանդես կգա Գնահատման և թեստավորման կենտրոնի փոխտնօրեն Կարո Նասիբյանը: Նա կամփոփի քննությունների արդյունքները:
ՀՀ վարչապետի գլխավորությամբ կառավարությունում կայացել է քննարկում` ճանապարհային երթեւեկության անվտանգության հարցերի վերաբերյալ։ Քննարկման մասնակիցները լրագրողների հետ հանդիպմանը կներկայացնեն մանրամասներ:
Երևանում կներկայացվի «Աջակցություն Հայաստանում սնանկության համակարգի բարելավմանը» ծրագրի շրջանակում իրականացված հետազոտության արդյունքները:
Սևանի ջրի աղտոտման հիմնախնդիրը շարունակում է ոլորտի մասնագետների ուշադրության կենտրոնում մնալ: «Էկոլուր» տեղեկատվական ՀԿ նախագահ Ինգա Զարաֆյանը և «Սպառողների ասոցիացիա» ՀԿ նախագահ Արմեն Պողոսյանը մամուլի ասուլիսում կներկայացնեն իրենց դիտարկումները:
ՀՀ աշխատանքի և սոցիալական հարցերի նախարարությունն անցկացնում է քննարկում այն հիմնախնդիրների շուրջ, որոնց հանդիպում են կանայք Հայաստանի տարբեր բնակավայրերում։ Քննարկմանը մասնակցելու են նախարարներ, ԱԺ պատգամավորներ:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում