Հայոց ցեղասպանության հուշահամալիրի անմար կրակը հուլիսի 15-ին միառժամանակ կանջատվի
13:02, 13 Հուլիս 2019
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: «Հայոց ցեղասպանության թանգարան-ինստիտուտ» հիմնադրամի տնօրինությունը տեղեկացնում է, որ հուլիսի 15-ին, ժամը 18:00-20:00 պրոֆիլակտիկ աշխատանքների նպատակով երկու ժամով անջատվելու է Հայոց ցեղասպանության հուշահամալիրի անմար կրակի գազամատակարարումը: Ինչպես հաղորդում է «Արմենպրես»-ը, այս մասին հիմնադրամը հայտնել է «Ֆեյսբուք»-ի իր էջում:
«Հուշահամալիրի շրջակա տարածք մարդկանց մուտքն արգելվելու է: Հայցում ենք ձեր ներողամտությունն ու ըմբռնումը»,- ասվում է «Հայոց ցեղասպանության թանգարան-ինստիտուտ» հիմնադրամի տնօրինության գրառման մեջ:
Բաժանորդագրվեք մեր ալիքին Telegram-ում