1000х90.jpg (78 KB)

Երևանում՝ 11:07,   29 Մարտ 2024

ՀՀ վարչապետն ու նախագահը ներկա գտնվեցին Արման Կիրակոսյանի հոգեհանգստի արարողությանը

ՀՀ վարչապետն ու նախագահը ներկա գտնվեցին Արման Կիրակոսյանի հոգեհանգստի 
արարողությանը

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանն ու նախագահ Արմեն Սարգսյանը ներկա գտնվեցին Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ նախկին դեսպան Արման Կիրակոսյանի հոգեհանգստի արարողությանը:

«Արմենպրես»-ի հաղորդմամբ՝ նրանք իրենց ցավակցությունը հայտնեցին Կիրակոսյանի հարազատներին:

Հարգանքի տուրք մատուցելու եկել էին նաև ՀՀ արտաքին գործերի նախարար Զոհրաբ Մնացականյանը, պաշտպանության նախարար Դավիթ Տոնոյանը, ֆինանսների նախարար Ատոմ Ջանջուղազյանը և ՀՀ ԱԺ մի շարք ներկա և նախկին պատգամավորներ:

ՀՀ արտաքին գործերի նախարար Զոհրաբ Մնացականյանը լրագրողների հետ զրույցում նշեց, որ երկար տարիներ ճանաչել է Կիրակոսյանին և անձնական մեծ կորուստ է իր համար դիվանագետի մահը:

«Ես հպարտ եմ, որ նման բարեկամություն է ձևավորվել այս տարիների ընթացքում: Արման Կիրակոսյանի մահը ոլորտի համար էլ է մեծ կորուստ, քանի որ նա դիվանագիտական ընտանիքի լավագույն անդամներից էր»,- նշեց Մնացականյանը:

Նրա խոսքով՝ Արման Կիրակոսյանի օրինակը պետք է որպես ուղենիշ ծառայի իրենց համար:

Մեծ Բրիտանիայի և Հյուսիսային Իռլանդիայի Միացյալ Թագավորությունում ՀՀ դեսպան Արման Կիրակոսյանը ծնվել է 1956 թվականի սեպտեմբերի 10-ին, Երևանում։ Նա մահացել է կյանքի 63-րդ տարում՝ 2019 թվականի հուլիսի 6-ին։ 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]