«Բարսելոնա»-ն պաշտոնապես ներկայացրեց Անտուան Գրիզմանին
17:27, 12 Հուլիս 2019
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Ֆուտբոլի աշխարհի չեմպիոն ֆրանսիացի Անտուան Գրիզմանը պաշտոնապես տեղափոխվեց կատալոնական «Բարսելոնա»:
«Արմենպրես»-ի հաղորդմամբ` այս մասին հայտնում է ակումբի պաշտոնական կայքը: Ակումբը ֆուտբոլիստի համար վճարել է 120 միլիոն եվրո: Պայմանագրի նախատեսված է մինչև 2024 թվականի հունիսի 30-ը: Ֆրանսիացու հրաժարագինը կազմում է 800 միլիոն եվրո:
Գրիզմանը ծնվել է 1991 թվականին և համարվում է աշխարհի լավագույն կիսապաշտպաններից մեկը: 2009-ից 2014 թվականները հանդես է եկել «Ռեալ Սոսյեդադ» ակումբում, իսկ 2014-ից «Ատլետիկո»-ի ֆուտբոլիստ էր: 2018 թվականին Ֆրանսիայի հավաքականի կազմում դարձավ աշխարհի առաջնության չեմպիոն:
Բաժանորդագրվեք մեր ալիքին Telegram-ում