Ժամանակը Երևանում՝ 11:07:36,   6 Հուլիս

Իրանի ԱԳՆ-ն Բրիտանիային կոչ Է արել Ջիբրալթարում հնարավորինս արագ ազատելու լցանավը

Իրանի ԱԳՆ-ն Բրիտանիային կոչ Է արել Ջիբրալթարում հնարավորինս արագ ազատելու լցանավը

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Թեհրանը Լոնդոնին կոչ Է անում հնարավորինս արագ վերացնելու լցանավի՝ Ջիբրալթարի (Պիրենեյան թերակղզու ափին Մեծ Բրիտանիայի անդրծովյան տարածքի) իշխանությունների կողմից նախաձեռնված կալանումը: Այդ մասին հուլիսի 12-ին հայտարարել Է Իրանի արտաքին գործերի նախարարության (ԱԳՆ) պաշտոնական ներկայացուցիչ Աբաս Մուսավին, տեղեկացնում Է «Արմենպրես»-ը:

«Մենք նաեւ պնդում ենք, որ անհրաժեշտ Է հնարավորինս արագ ազատել լցանավը, քանի որ այդ քայլը բոլոր կողմերի օգտին Է»,- մեջբերում Է IRNA գործակալությունը Մուսավիի խոսքը: Նա հավելել Է, որ հակառակ դեպքում «Մեծ Բրիտանիան ռիսկ Է անում ներքաշվելու վտանգավոր խաղի մեջ»:

ԱԳ նախարարության ներկայացուցչի խոսքով՝ «փաստաթղթերը վկայում են, որ, ի հեճուկս կալանման օրինականության մասին Լոնդոնի հայտարարությունների, նման գործողություններն արդարացված չեն օրինական տեսակետից»: Կարեւոր հանգամանք Է այն փաստը, որ, Իսպանիայի ներկայացուցչի խոսքով՝Բրիտանիայի կողմից լցանավի կալանումը կատարվել Է ԱՄՆ-ի պահանջով», հաղորդել Է ՏԱՍՍ-ը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ