«Հայաստանի Հանրապետություն» օրաթերթը գրում է․ «Վերջերս տեղի ունեցած ողբերգական ելքով ավտովթարներն առիթ հանդիսացան մեկ անգամ եւս բարձրաձայնելու ոլորտում առկա խնդիրներն ու անդրադառնալու ճանապարհատրանսպորտային պատահարների մտահոգիչ վիճակագրության պատճառներին։ Ոստիկանության կողմից մշակվել է օրինագիծ, ըստ որի առաջարկվում է պարբերաբար խախտումներ անող կարգազանց վարորդներին ընդհանրապես զրկել վարորդական իրավունքից։ ԱԺ «Իմ քայլը» խմբակցության անդամ Սիսակ Գաբրիելյանի դիտարկմամբ, նման մոտեցումն արդարացված է եւ պահանջված։ «Տարբեր խախտումների դեպքում՝ կախված վտանգավորության աստիճանից տարբեր բալային տուգանքներ են գործելու, օրինակ՝ խմածության դեպքում վարորդը միանգամից զրկվելու է 9 բալից»,- ասում է նա։ Ղեկին խմած նստելու հետեւանքով վարորդը կզրկվի նաեւ մեկ տարի մեքենա վարելու իրավունքից։ Նախնական ուսումնասիրությունները ցույց են տալիս, որ բալային համակարգի ներդումից որոշակի ժամանակ անց (օրինակ՝ կես տարի), մենք կունենանք առնվազն 20-30 տոկոս զոհերի թվի նվազում։ «Նույնիսկ մեկ զոհ քիչ ունենալու համար արժե նման համակարգ ներդնել»,- հավելել է պատգամավորը»։

Նյութն ամբողջությամբ կարդացեք թերթի այսօրվա համարում։