Ռիզեում 300 տարեկան կամուրջ է փլուզվել
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Թուրքիայի հյուսիսարևելյան Ռիզե նահանգի Ամբարլըք գյուղում 18-րդ դարում կառուցված կամարաձև կամուրջ է փլուզվել:
Այս մասին, ինչպես հաղորդում է «Արմենպրես»-ը, հայտնում է թուրքական «Hurriyet»-ը:
Ըստ տեղեկությունների՝ այս կամրջի վրա կարճ ժամանակ առաջ էին վերականգնողական աշխատանքներ իրականացրել: 40 մետր երկարություն, 3.20 մետր լայնություն և 10 մետր բարձրություն ունեցող կամարաձև կամուրջը այդ շրջանի կարևոր պատմամշակութային արժեքներից էր, որը օրական ընդունում էր բազմաթիվ զբոսաշրջիկների: Փլուզման պատճառները բացահայտելու գործով զբաղվում են համապատասխան մարմինները, իսկ տեղացիները ցանկանում են, որ կամրջի քարերը հավաքելով՝ նախկին տեսքին հնարավորինս մոտ նոր կամուրջ կառուցվի:
Հատկանշական է, որ Ռիզեում է գտնվում հայկական պատմական Համշենի շրջանը:
Բաժանորդագրվեք մեր ալիքին Telegram-ում