1000х90.jpg (78 KB)

Երևանում՝ 11:07,   28 Մարտ 2024

Եվրո-2019-ի ամեն խաղի հաղթանակի հասնելու ձգտումով ենք մասնակցելու. Արթուր Ոսկանյան

Եվրո-2019-ի ամեն խաղի հաղթանակի հասնելու ձգտումով ենք մասնակցելու. Արթուր 
Ոսկանյան

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի մինչև 19 տարեկանների թիմը Եվրոպայի 2019 թվականի Երևանում կայանալիք առաջնությանը մասնակցելու է ամեն խաղում հաղթանակի ձգտելով:

«Արմենպրես»-ի հաղորդմամբ` լրագրողների հետ զրույցում նման կարծիք հայտնեց հավաքականի գլխավոր մարզիչ Արթուր Ոսկանյանը: Մ19 տարեկանների մարզիչը շեշտեց, որ թիմը հավաք է անցկացնում մայիսի 26-ից, և ընտրանին պատրաստ է Եվրո-2019-ի մեկնարկին: Ոսկանյանի խոսքով` ֆուտբոլիստների համար կարևորը խաղերից հաճույք ստանալն է և հանդիպումներից առաջ չլարվելը:

«Ֆուտբոլիստներին ասել և ասում ենք, որ պատասխանատու մրցաշարի ենք մասնակցում: Մենք մեծ աշխատանք ենք տարել պաշտպանական գծում: Ամեն խաղում հաղթանակի համար ենք խաղալու»,-առանձնացրեց մասնագետը:

Եվրոպայի 2019 թվականի մինչև 19 տարեկանների առաջնությունն այս տարի կանցկացվի Հայաստանում: Հանդիպումները կկայանան «Հանրապետական», «Բանանց», ՀՖՖ տեխնիկական կենտրոնի մարզադաշտերում:

8 թիմերը բաժանված են երկու ենթախմբերի` A, B: A խմբում Հայաստանի ընտրանու հետ ընդգրկված են նաև Իսպանիայի, Իտալիայի և Պորտուգալիայի հավաքականները: B խմբում կմրցեն Նորվեգիայի, Իռլանդիայի, Չեխիայի և Ֆրանսիայի ընտրանիները:

Բացման հանդիսավոր արարողությունը և առաջին խաղը կկայանան հուլիսի 14-ին «Հանրապետական» մարզադաշտում, որտեղ ուժերը կչափեն Հայաստանի և Իսպանիայի թիմերը: Հանդիպումը կմեկնարկի 18:45-ին: Եվրո-2019-ի տոմսերն արդեն վաճառքում են և արժեն 200-500 դրամ:

Վարվառա Հայրապետյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]