Սերենա Ուիլյամսը Ուիմբլդոնի 4-րդ շրջանում է
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: ԱՄՆ-ն ներկայացնող թենիսիստ Սերենա Ուիլյամսը դուրս եկավ Ուիմբլդոնի 4-րդ շրջան:
«Արմենպրես»-ի հաղորդմամբ՝ կանանց մենախաղի երրորդ փուլում Ուիլյամսի մրցակիցը գերմանուհի Յուլյա Հերգեսի հետ: 1 ժամ 13 րոպե ձգված մրցախաղում Ուիլյամսը հաղթեց երկու սեթում՝ 6:3, 6:4 հաշվով:
Ուիմբլդոնը «Մեծ սաղավարտ»-ի տարվա 4 մրցաշարերից մեկն է (նաև Ավստրալիայի բաց առաջնություն, Ֆրանսիայի բաց առաջնություն, ԱՄՆ-ի բաց առաջնություն): Այն ամենահին և ամենահեղինակավորն է թենիսի աշխարհում: Մրցաշարն անցկացվում է 1877 թվականից ի վեր և միակն է խոտածածկի վրա: Արդեն 133-րդ անգամ անցկացվող Ուիմբլդոնի մրցանակային ֆոնդը կազմում է 34 միլիոն ֆունտ սթերլինգ: Ուիմբլդոնում ամենաշատը հաղթել է շվեյցարացի Ռոջեր Ֆեդերերը (8 անգամ): Տղամարդկանց մենախաղի գործող չեմպիոնը սերբ Նովակ Ջոկովիչն է, իսկ կանանց մրցաշարում`Անժելիկա Քերբերը:
Բաժանորդագրվեք մեր ալիքին Telegram-ում