Զոդի կամրջին տեղի ունեցած վթարի հետևանքով կան զոհեր
16:55, 6 Հուլիս 2019
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Հուլիսի 6-ին, ժամը 15:15-ին «911» ծառայությանը տեղեկություն է հաղորդվել, որ Արարատի մարզում Զոդի կամրջին տեղի է ունեցել ՃՏՊ. բախվել է երեք ավտոմեքենա:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, կան 5 զոհ և 9 տուժած, անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Կտրվի լրացուցիչ տեղեկություն:
ԱԻՆ կայքում հրապարակված լուսանկարից պարզ է դառնում, որ բախման հետևանքով մեքենաներից մեկն այրվել է:
Բաժանորդագրվեք մեր ալիքին Telegram-ում