Մեկ օրում Սիրիա Է վերադարձել ավելի քան 1,7 հազար փախստական
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Անցյալ օրն ավելի քան 1,7 հազար սիրիացի փախստական Է վերադարձել արտասահմանյան պետությունների տարածքներից, ասված Է հակամարտող կողմերի հաշտեցման եւ փախստականների տեղափոխման հսկողության ռուսական կենտրոնի լրատվական տեղեկագրում, տեղեկացնում Է «Արմենպրես»-ը:
«Անցած օրն արտասահմանյան պետությունների տարածքներից Սիրիայի Արաբական Հանրապետություն Է վերադարձել 1763 փախստական, այդ թվում Լիբանանից «Ջեյդեթ Յաբուս», «Թել Քալահ» անցակետերով՝ 476 մարդ (143 կին, 243 երեխա), Հորդանանից «Նասիբ» անցակետով՝ 1287 մարդ (386 կին, 656 երեխա),- ասված Է հաղորդագրության մեջ:
Փախստականների ընդունման կենտրոնի տվյալներով՝ Սիրիայի զինված ուժերի ինժեներային ստորաբաժանումները մեկ օրում ականազերծել են 2,2 հեկտար տարածք: Բացի դրանից, մասնագետները ոչնչացրել են 34 պայթյունավտանգ առարկա:
Նշվում Է, որ մեկ օրում վերականգնվել են երեք բնակելի շենք, մեկ մանկապարեզ եւ մեկ հացի փուռ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում