Մ. Վ. Լոմոնոսովի անվան համալսարանի մասնաճյուղն ամրապնդում է հայ-ռուսական հարաբերությունները
15:37, 2 Հուլիս 2019
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Մոսկվայի Մ. Վ. Լոմոնոսովի անվան պետական համալսարանի երեւանյան մասնաճյուղն ապացուցել է, որ ունի լավ ներուժ հետագա զարգացման համար:
Ինչպես տեղեկացնում է «Արմենպրես»-ը, Հայաստանում Ռուսաստանի դեսպան Սերգեյ Կոպիրկինը նշեց, որ 2015 թվականին հիմնադրված այս համալսարանը ամրապնդում է հայ-ռուսական հարաբերությունները:
«Կրթության ոլորտը շատ կարեւոր դեր է խաղում երկկողմ հարաբերությունների զարգացման գործում: Այդ դերի էլ ավելի ուժեղացումը կնպաստի երկու երկրների միջև կայունության եւ համագործակցության հեռանկարների ամրապնդմանը»,- ասաց Կոպիրկինը:
Դեսպանը ցանկանում է, որպեսզի մասնաճյուղը հետագայում ավելի զարգանա, հաջող և արդյունավետ աշխատի հանուն Հայաստանի և Ռուսաստանի երկկողմ շահերի:
Բաժանորդագրվեք մեր ալիքին Telegram-ում