Վիտեբսկի միջնակարգ թիվ 46 դպրոցն անվանակոչել են Մարշալ Բաղրամյանի անունով
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: ԽՍՀՄ կրկնակի հերոս, ԽՍՀՄ մարշալ Հովհաննես Բաղրամյանի անունը տրվել է Վիտեբսկ քաղաքի թիվ 46 միջնակարգ դպրոցին:
Ինչպես հաղորդում է «Արմենպրես»-ը՝ վկայակոչելով «Բելառուսն այսօր» կայքին, միջոցառմանը ներկա Վիտեբսկի շրջանի պատգամավորների միության ղեկավար Վլադիմիր Տերենտևը նշել է, որ Հայրենական մեծ պատերազմից հետո Բաղրամյանը երբեք չի կորցրել կապը Բելառուսի հետ:
Դպրոցի տնօրեն Իրինա Աստապենկոյին հանձնել են վկայական դպրոցի անվանակոչման մասին:
Շենքի վրա պատկերված է Հովհաննես Բաղրամյանը, նկարը հեղինակել է նկարիչ Յուրի Դուբովսկին:
Միջոցառումը տեղի է ունեցել հունիսի 29-ին, քաղաքի տոնական ծրագրի շրջանակներում, Վիտեբսկի 1045-ամյակի և նացիստական զավթիչների ազատագրման 75-ամյակի կապակցությամբ: Հանդիսավոր արարողությանը մասնակցել են մարշալի թոռները, Հայաստանի պատվիրակությունը, դիվանագիտական կորպուսի և հասարակական կազմակերպությունների ներկայացուցիչները:
Բաժանորդագրվեք մեր ալիքին Telegram-ում