Ժամանակը Երևանում՝ 11:07:36,   28 Փետրվար

Կարկուտը վնասներ է հասցրել Մարտունու տարածքի մի շարք համայնքների տնտեսություններին

Կարկուտը վնասներ է հասցրել Մարտունու տարածքի մի շարք համայնքների տնտեսություններին

ԳԱՎԱՌ, 28 ՀՈՒՆԻՍԻ, ԱՐՄԵՆՊՐԵՍ: Գեղարքունիքի մարզի Մարտունու տարածաշրջանի մի շարք համայնքների տնտեսություններ վնասներ են կրել հունիսի 27-ին տեղացած կարկտի պատճառով: Ինչպես «Արմենպրես»-ին տեղեկացրեց  Գեղարքունիքի մարզպետարանի գյուղատնտեսության եւ բնապահպանության վարչության պետ Համբարձում Համբարձումյանը, Կարկտի պատճառած վնասների մասին ահազանգել են Մարտունու, Վերին Գետաշենի, Ներքին Գետաշենի, Վաղաշենի, Ծովասարի, Ձորագյուղի համայնքապետարաններից: Ըստ ահազանգողների՝ կարկուտը վնասել է պտղատու եւ դեկորատիվ ծառեր, կարտոֆիլի եւ բանջարբոստանային այլ մշակաբույսերի ցանքեր: Ուժեղ քամին Մարտունի քաղաքում, Մարտունի-Վարդենիս մայրուղու եզրին գտնվող ծառը ջարդել ու շպրտել է մոտակայքում կայանված ավտոմեքենայի վրա՝ քաղաքացուն պատճառելով որոշակի նյութական վնաս: Ավտոմեքենան  դուրս բերելու համար անհրաժեշտ է եղել ՀՀ ԱԻՆ փրկարար ծառայության Գեղարքունիքի մարզային փրկարարական վարչության փրկարարների օգնությունը: §Այս պահի դրությամբ դեռ չենք ստացել համապատասխան ակտերը, ուստի չենք կարող գնահատել վնասների հնարավոր չափերը: Առայժմ տեղում աշխատում են ստեղծված հանձնաժողովները: Վնասների մոտավոր չափերի մասին պատկերացում կկազմենք առաջիկա օրերի ընթացքում»,-ներկայացրեց Համբարձում Համբարձումյանը:

Խոսրով Խլղաթյան





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ