Կառավարությունը հաստատեց Երևանի 5 հատուկ դպրոցների վերակազմակերպման վերաբերյալ նախագիծը
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Երևան քաղաքի 5 հատուկ դպրոցներ կվերակազմակերպվեն աջակցության կենտրոնների և հիմնական հանրակրթական կենտրոնների:
«Արմենպրես»-ի փոխանցմամբ՝ այս մասին որոշման նախագիծը ՀՀ կառավարության հունիսի 27-ի նիստի ընթացքում ներկայացրեց Կրթության, գիտության, մշակույթի և սպորտի նախարար Արայիկ Հարությունյանը:
«Առաջարկվում է վերաբաշխում կատարել 2019թ. բյուջեում և փոփոխություններ կատարել 2018թ. դեկտեմբերի 27-ի համապատասխան որոշման մեջ՝ ապահովելու Երևան քաղաքում ներկայումս թվով 10 հատուկ դպրոցների բնականոն աշխատանքը, որոնք շուտով կվերակազմակերպվեն և դրանցից հինգը կդառնան աջակցության կենտրոններ: Փոփոխությունների արդյունքում Երևանի համար 2, 6, 8 և 12 հատուկ դպրոցները վերակազմակերպվելու են աջակցության դպրոցների, համար 16 հատուկ դպրոցը դառնալու է հիմնական հանրակրթական դպրոց»,- ասաց Հարությունյանը:
Բաժանորդագրվեք մեր ալիքին Telegram-ում