ԱՆ «Մարդասիրական օգնության հանրապետական կենտրոն» ՊՈԱԿ-ի շենքը կհամապատասխանեցվի միջազգային GDP ստանդարտներին
14:16, 27 Հունիս 2019
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: ՀՀ առողջապահության նախարարության «Մարդասիրական օգնության հանրապետական կենտրոն» ՊՈԱԿ-ի շենքը կհամապատասխանեցվի միջազգային GDP ստանդարտներին: «Արմենպրես»-ի փոխանցմամբ՝ այս մասին որոշման նախագիծը կառավարության հունիսի 27-ի նիստում ներկայացրեց Առողջապահության նախարարի տեղակալ Անահիտ Ավանեսյանը:
«Նախատեսվում է ՀՀ առողջապահության նախարարության «Մարդասիրական օգնության հանրապետական կենտրոն» ՊՈԱԿ-ի շենքային պայմանների համապատասխանեցում միջազգային GDP ստանդարտներին, որպեսզի պետական կարիքների համար ձեռք բերվող դեղորայքը պահպանվի միջազգային ստանդարտներին համապատասխան պայմաններում»,- ասաց Ավանեսյանը:
Այս նպատակով նախատեսվում են 120 մլն դրամի կապիտալ ծախսեր:
Բաժանորդագրվեք մեր ալիքին Telegram-ում