Ժամանակը Երևանում՝ 11:07:36,   16 Հուլիս

Եվրոպայի չեմպիոն Բաչկովը Եվրոպական խաղերի կիսաեզրափակչում է


ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Հայաստանը ներկայացնող բռնցքամարտիկ, Եվրոպայի չեմպիոն Հովհաննես Բաչկովը շարունակում է հաղթել Եվրոպական խաղերում:

«Արմենպրես»-ի հաղորդմամբ՝ 64 կգ քաշային կարգի քառորդ եզրափակչում Հովհաննես Բաչկովը մրցեց և 5:0 հաշվով հաղթեց Հունաստանից Ալեքսանդրոս Ցանիկիդիսին: Գյումրեցի մարզիչը դուրս եկավ կիսաեզրափակիչ՝ ապահովելով ամենաքիչը Եվրոպական խաղերի բրոնզե մեդալ:

Հայաստանի հավաքականը դեռևս 3 մեդալ է նվաճել: Հայ սամբիստներից Տիգրան Կիրակոսյանը դարձել է ոսկե, Դավիթ Գրիգորյանը` արծաթե և Արսեն Ղազարյանը` բրոնզե մեդալակիր:

Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ