Ժամանակը Երևանում՝ 11:07:36,   19 Հուլիս

«Հայաստանի Հանրապետություն». Կողմ լինելով՝ դեմ են քվեարկել


ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է․ «ՀՀ Ազգային ժողովը երկրորդ ընթերցմամբ եւ ամբողջությամբ ընդունեց Հարկային օրենսգրքի փոփոխությունների փաթեթը: ԱԺ «Իմ քայլը» խմբակցության անդամ, տնտեսագետ Արտակ Մանուկյանը ի պատասխան այն հարցի, թե ինչու խորհրդարանական ընդդիմադիր խմբակցությունները դեմ քվեարկեցին Հարկային օրենսգրքին,  ասել է, որ ԱԺ տնտեսական հարցերի մշտական հանձնաժողովի աշխատանքները եղել են թափանցիկ եւ քվեարկության ժամանակ մի շարք փոփոխությունների կողմ են քվեարկել նաեւ ընդդիմադիր խմբակցությունների անդամները, ուստի այնքան էլ հասկանալի չէ, թե ինչու ի վերջո դեմ քվեարկեցին։ «Եթե ուսումնասիրենք անհատական քվեարկությունների արդյունքները կետ առ կետ՝ պետական տուրքի կամ այլ փոփոխությունների մասով, ապա հանձնաժողովում մեծամասամբ կողմ են եղել եւ պաշտպանել են այդ փոփոխված դրույթները։ Մինչդեռ երբ հերթը հասել է Հարկային օրենսգրքի ընդհանուր տրամաբանությանը, ըստ էության դեմ են քվեարկել»,- ասել է պատգամավորը:

Նրա խոսքով հարկային ոլորտի նոր փոփոխությունների արդյունքները չեն սպասեցնի, քանի որ շատ արագ կփորձեն կենսագործել շրջանառության հարկի շեմի բարձրացման դրույթը, որով 58,35 մլն-ի շեմը կդառնա 115 մլն դրամ»։

Նյութն ամբողջությամբ կարդացեք թերթի այսօրվա համարում։




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ