Ժամանակը Երևանում՝ 11:07:36,   17 Հոկտեմբեր

Բռնցքամարտիկ Կարեն Տոնականյանը հաղթանակով մեկնարկեց Եվրոպական խաղերում

Բռնցքամարտիկ Կարեն Տոնականյանը հաղթանակով մեկնարկեց Եվրոպական խաղերում

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Հայաստանը ներկայացնող բռնցքամարտիկ Կարեն Տոնականյանը հաղթանակով մեկնարկեց Եվրոպական խաղերում:

«Արմենպրես»-ի հաղորդմամբ` Մինսկում ընթացող Եվրոպական խաղերի բռնցքամարտի 60 կգ քաշային կարգում Կարեն Տոնականյանը մեկնարկային մենամարտում մրցեց Իսպանիայից Քրիստիան Վասկերի հետ և հաղթեց 5:0 հաշվով: Տոնականյանը դուրս եկավ քառորդ եզրափակիչ և հաջորդ մենամարտը կանցկացնի հունիսի 26-ին:

Հայաստանի հավաքականը դեռևս 3 մեդալ է նվաճել: Հայ սամբիստներից Տիգրան Կիրակոսյանը դարձել է ոսկե, Դավիթ Գրիգորյանը` արծաթե և Արսեն Ղազարյանը` բրոնզե մեդալակիր:

Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով:

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ