Մասքը նշել Է մարդկության իրական խնդիրը
ԵՐԵՎԱՆ, 25 ՀՈւՆԻՍԻ, ԱՐՄԵՆՊՐԵՍ: Ամերիկյան SpaceX ընկերության ղեկավար Իլոն Մասքը վերստին հայտարարել Է աղետի մասին, որի եզրին իբր գտնվում Է մարդկությունը: Այդ մասին, ինչպես տեղեկացնում Է «Արմենպրես»-ը, հայտնել Է Business Insider-ը:
Հրատարակությունն ուշադրություն Է դարձրել գործարարի այն մեկնաբանությունների վրա, որոնք արվել են թվիթի տեսքով եւ որում հաղորդվել Է մինչեւ 2050 թվականը Երկրի վրա մոտավորապես 1,6 միլիարդով մարդկանց թվի ավելացման մասին:
«Իրական խնդիրը կդառնա մինչեւ 2050 թվականն աշխարհի բնակչության ծերացումը եւ կրճատումը, այլ ոչ թե գերբնակվածությունը»,-գրել Է Մասքը:
Նրա կարծիքով՝ մինչ այդ ժամանակը «(մոլորակի բնակչության) ժողովրդագրական կառուցվածքն՝ ըստ տարիքային խմբերի, կունենա շրջված բուրգի տեսք՝ տարեց մարդկանց մեծ թվով եւ երիտասարդների փոքր քանակությամբ»:
Ձեռնարկատերը համանման գաղափարներով հանդես Է եկել 2017 թվականի հուլիսին: 2016 թվականի նոյեմբերին SpaceX-ի ղեկավարը նախազգուշացրել Էր, որ մարդկությանն աղետ Է սպասում, եթե մարդիկ չկարողանան հարմարվել եւ իրենց տեղը գտնել ռոբոտների համատարած ներդրման պայմաններում:
Բաժանորդագրվեք մեր ալիքին Telegram-ում