«Հայաստանի Հանրապետություն». Կարո՞ղ է Հայաստանը ստանձնել հրշեջի դեր
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է․ «Թեեւ Վրաստանում ստեղծված իրավիճակը կարող է օգուտներ բերել Հայաստանին կարճաժամկետ առումով, օրինակ՝ զբոսաշրջիկների թվի ավելացում, Գյումրիի օդանավակայանի գործարկում եւ այլն: Սակայն այստեղ հարց է առաջանում՝ կարո՞ղ է արդյոք մեր երկիրը զբոսաշրջային առկա ենթակառուցվածքներով ընդունել նախատեսվածից ավելի շատ հյուրեր: Մյուս կողմից նկատենք, որ հարեւան երկրները կարող են շատ ավելի գրավիչ լինել որպես ծովափյա հանգստի երկիր:
Ինչ վերաբերում է տարածաշրջանային լարվածության հետեւանքներին հեռանկարային առումով, ապա մեր երկիրն ավելի շատ վնասներ կկրի, եթե Վրաստան-Ռուսաստան ցամաքային կապը փակ լինի: Այս պարագայում վնասն անհամեմատ ավելի շատ է, քան զբոսաշրջությունից եւ ավիափոխադրումներից ստացվող օգուտը:
Հայաստանի համար գործընկերներ են ինչպես Իրանն ու ԱՄՆ-ը, այնպես էլ՝ Վրաստանն ու Ռուսաստանը եւ ուժերի ցանկացած վերադասավորում, կամ այլ կերպ ասած՝ ստատուս-քվոյի ցանկացած խախտում մեզ համար խիստ վտանգավոր է: Թերեւս այս իրադրությունում Հայաստանը կարող է որպես միջնորդ հանդես գալ՝ փորձելով նպաստել լարվածության թուլացմանը: Գործիքակազմը կարող է բազմազան լինել՝ խորհրդարանական դիվանագիտությունից մինչեւ սփյուռքի գործոն:
Նյութն ամբողջությամբ կարդացեք թերթի այսօրվա համարում£
Բաժանորդագրվեք մեր ալիքին Telegram-ում