Հունիսի 25-ին սպասվող իրադարձությունները
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ հունիսի 25-ին, ՀՀ նախագահ Արմեն Սարգսյանն աշխատանքային այցով Շվեյցարիայում է: Նա Ցյուրիխում մասնակցում է գիտության ու արվեստի միջազգային «STARMUS» փառատոնի բացմանը և հանդես կգա ելույթով:
Մասիս քաղաքում ՀՀ վարչապետ Նիկոլ Փաշինյանը կմասնակցի Ֆրանկոֆոնիայի զբոսայգու և Ընտանեկան մարզահամալիրի բացման հանդիսավոր արարողությանը:
Իրան-ԱՄՆ կոնֆլիկտից բխող զարգացումները հայ փորձագետների, քաղաքագետների քննարկման առանցքում են: Հրավիրված մամուլի ասուլիսում թեմայի վերաբերյալ իրենց դիտարկումները կներկայացնեն ակադեմիկոս Արայիկ Սարգսյանը, իրանագետ Գոհար Իսկանդարյանը:
Երևանում կանցկացվի «Կուսակցությունների ֆինանսավորման եւ ընտրական վեճերին առնչվող հիմնախնդիրները Հայաստանում» թեմայով հանրային քննարկում։
Կոմիտասի թանգարան-ինստիտուտում կկայանա դաշնակահարուհի Լուսինե Խաչիկյանի մենահամերգը: Ծրագրում՝ հայ ժամանակակից կոմպոզիտորների ստեղծագործություններն են:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում