Հրաչիկ Բաբայանը ևս չհաղթահարեց Եվրոպական խաղերի հրաձգության մրցաշարի որակավորման փուլի արգելքը
ԵՐԵՎԱն, 24 ՀՈՒՆԻՍԻ, ԱՐՄԵՆՊՐԵՍ: Հրաձգության Հայաստանի հավաքականի անդամ Հրաչիկ Բաբայանը ևս չհաղթահարեց Եվրոպական խաղերի որակավորման փուլի արգելքը:
«Արմենպրես»-ի հաղորդմամբ` Մինսկում ընթացող խաղերի 10 մետր օդամղիչ հրացան մրցաձևում հավաքելով միայն 623,6 միավոր, մարզիկը գրավեց 24 տեղը և չհաղթահարեց որակավորման փուլը: Ավելի վաղ որակավորման փուլը չէր հաղթահարել թիմի մյուս անդամը` Ալլա Պողոսյանը:
Հայաստանի հավաքականը դեռևս 3 մեդալ է նվաճել: Հայ սամբիստներից Տիգրան Կիրակոսյանը դարձել է ոսկե, Դավիթ Գրիգորյանը` արծաթե և Արսեն Ղազարյանը` բրոնզե մեդալակիր:
Եվրոպական երկրորդ խաղերին մասնակցում են 50 երկրի մոտ 4000 մարզիկներ: Եվրոպական խաղերի շրջանակում անցկացվում են երկու մարզաձևի Եվրոպայի առաջնություններ, իսկ 8 մարզաձևերը կլինեն Տոկիոյի 2020 թվականի Օլիմպիական խաղերի համար որակավորում տվող: Հայաստանը Եվրոպական երկրորդ խաղերին մասնակցում է 37 մարզիկով:
Բաժանորդագրվեք մեր ալիքին Telegram-ում