Մահացել Է Բոռի դերակատար Անդրեյ Խարիտոնովը
10:55, 24 Հունիս 2019
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Կյանքի 60-րդ տարում մահացել Է խորդհրդային եւ ռուս դերասան Անդրեյ Խարիտոնովը: Այդ մասին, ինչպես տեղեկացնում Է «Արմենպրես»-ը, հայտնել Է ռեժիսոր Վիտալի Մանսկին Facebook-ի իր բլոգում:
«Այդպիսին Է կյանքը… Ցավակցում եմ բոլորին, ովքեր նրան հիշում են եւ սիրում»,- գրել Է Մանսկին:
Դերասանի կինը՝ Օլգա Սմիրյագինան, նույնպես հավաստել Է նրա մահը: Նա նշել Է, որ Խարիտոնովին կհուղարկավորեն Կիեւում:
Ինչպես հաղորդել Է ՏԱՍՍ-ը, ավելի վաղ հայտնի Է դարձել, որ Խարիտոնովը պայքարում Է ուռուցքաբանական հիվանդության դեմ:
Խարիտոնովի ամենահայտնի դերը դարձել Է Արթուր Բերտոնը «Բոռը» ֆիլմում: Նաեւ նկարահանվել Է այնպիսի ֆիլմերում, ինչպիսիք են «Սեւ կեռնեխների» գաղտնիքը», «Անտեսանելի մարդը», «Նռնագույն կղզիներում» կինոնկարները:
Բաժանորդագրվեք մեր ալիքին Telegram-ում