1000х90.jpg (78 KB)

Երևանում՝ 11:07,   29 Մարտ 2024

Ստացվում է, որ դեսպաններին բաժանում ենք երկու «սորտի». Փաշինյանը հանձնարարեց շարունակել դեսպանների նշանակման կարգի նախագծի շուրջ քննարկումները

Ստացվում է, որ դեսպաններին բաժանում ենք երկու «սորտի». Փաշինյանը 
հանձնարարեց շարունակել դեսպանների նշանակման կարգի նախագծի շուրջ 
քննարկումները

ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Կառավարությունը հավանություն տվեց «Դիվանագիտական ծառայության մասին» ՀՀ օրենքում փոփոխություն և լրացում կատարելու մասին» Հայաստանի Հանրապետության օրենքի նախագծին, որի հեղինակը «Իմ քայլը» խմբակցության պատգամավոր Ռուբեն Ռուբինյանն է և «Լուսավոր Հայաստանի» պատգամավոր Արման Բաբաջանյանը:

Արտաքին գործերի փոխնախարար Գրիգոր Հովհաննիսյանը նշեց, որ իրենց համար ընդունելի է նախագծով առաջարկվող դրույթները:

«Խոսքը դեսպանների նշանակման կարգի մասին է: Մասնավորապես, առաջարկվում է քաղաքական նշանակումների թիվը սահմանափակել դեսպանների ընդհանուր թվի 15 տոկոսով, իսկ կարիերային դեսպանների դեպքում որպես պարտադիր նախապայման առաջարկվում է 15 տարվա աշխատանքային ստաժ: Մենք առաջարկում ենք 10 տարի: Բացի այդ, քաղաքական նշանակումների դեպքում ԱԺ-ին իրավունք է վերապահվում տալ խորհրդակցական կարծիք:

ՀՀ վարչապետ Նիկոլ Փաշինյանը հետաքրքրվեց, թե ինչպես է պրակտիկայում տեղի ունենում այդ գործընթացը. «Եկեք պատկերացնենք, գաղտնիության ռեժիմում ԱԳՆ-ն տալիս է առաջարկ, վարչապետը գաղտնիության ռեժիմում համաձայնություն է տալիս: Հետո դիմում են հավատարմագրող կողմին, հետո համաձայնությունը գալիս է, հետո ի՞նչ է տեղի ունենում: Ո՞ր փուլում է ԱԺ հանձնաժողովը տեղյակ լինում: Ստացվում է, որ վարչապետը իր մտադրության մասին պետք է տեղյակ պահի հանձնաժողովին»,- «Արմենպրես»-ի փոխանմամբ,ասաց վարչապետը՝ հավելելով, որ 10 տարի ստաժ ունեցող անձին դեսպան նշանակելիս եւս կարող են հարցեր ծագել:

ԱԳ փոխնախարար Գրիգոր Հովհաննիսյանը նշեց. «Նվազեցնելով քաղաքական նշանակումների թիվը մենք հնարավորություն ենք տալիս կառավարությանը 7-8 քաղաքական նշանակում կատարել»:

Արձագանքելով՝ Նիկոլ Փաշինյանը. «Դուք ովքե՞ր եք, որ այդ հնարավորությունը տալիս եք: Տպավորություն է, որ պետք է ասենք շնորհակալություն, որ կառավարությանը այդ հնարավորությունը տալիս եք»:

Փաշինյանը նաև նշեց, որ ստացվում է այնպես, որ եթե ասենք մարդը ԵԽԽՎ-ում 15 տարի եղել է հայկական պատվիրակության անդամ, նրան ասում ենք՝ պետք է գնաս ԱԺ հանձնաժողովը կարծիք տա քո մասին, իսկ մեկը, որ 10 տարի աշխատել է որևէ դեսպանությունում օրինակ, որպես կցորդ, իր դեպքում ասում ենք՝ հանձնաժողովը քեզ հարցեր չունի: «Այսինքն` այստեղ խտրական մոտեցում կա, ինչն անթույլատրելի է: Եթե անցնում ենք խորհրդարանական ֆիլտրով, ուրեմն բոլորն են անցնում, թե չէ ստացվում է, որ ի սկզբանե դեսպաններին բաժանում ենք երկու սորտի»,- նկատեց  վարչապետը:

Որոշումն ընդունվեց, սակայն վարչապետը հանձնարարեց հարցը ևս մեկ անգամ քննարկել:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]