ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Նեւադայի նահանգում ռելսերից դուրս են ընկել այն գնացքի առնվազն 19 վագոնները, որը փոխադրում Էր պայթյունավտանգ նյութեր, հրազեն եւ նռնակներ: Այդ մասին, ինչպես տեղեկացնում Է «Արմենպրես»-ը, հայտնել Է Fox News հեռուստաալիքը՝ վկայակոչելով օկրուգի ոստիկանության լեյտենանտ Էլկո Քեւին Մակքինիին: Շարժակազմի լոկոմոտիվը վթարի չի ենթարկվել:

Նշվում Է, որ ոչ ոք չի տուժել, այժմ կատարվում Է պոտենցիալ վտանգ ներկայացնող նյութերի հետ շփված անձանց վարակազերծում: Զենքով եւ նռնակներով վագոնների դռներն անվնաս են մնացել: Վթարի պատճառը պարզվում Է: Ինչպես հայտնել Է Fox News-ը, գնացքներով Նեւադա են ուղարկում հնացած զենքը, ինչպես նաեւ դրա արտադրության համար նյութեր, հաղորդել Է «Ինտերֆաքսը»: