Վենեսուելայի դեսպանը խոսել է Մադուրոյի՝ Ռուսաստան այցի նախապատրաստման մասին
21:14, 19 Հունիս 2019
ԵՐԵՎԱՆ, 19 ՀՈՒՆԻՍԻ,ԱՐՄԵՆՊՐԵՍ: Վենեսուելան և Ռուսաստանը միասին աշխատում են Նիկոլաս Մադուրոյի այցը Ռուսաստան կազմակերպելու ուղղությամբ: Ինչպես տեղեկացնում է «Արմենպրես»-ը, այս մասին «ՌԻԱ Նովոստի»-ն հայտնել է Մոսկվայում Վենեսուելայի դեսպան Կառլոս Ռաֆայել Ֆարիյա Տորտոսը:
Ավելի վաղ Վենեսուելայի արտաքին գործերի նախարարությունը հաղորդել էր, որ Մադուրոն առաջիկայում այցելելու է Ռուսաստան: Ռուսաստանի նախագահի մամլո քարտուղար Դմիտրի Պեսկովը հայտարարել է, որ այցի օրը դեռևս հայտնի չէ:
Բաժանորդագրվեք մեր ալիքին Telegram-ում