Նենսի Փելոսին միգրանտներին արտաքսելու Թրամփի մտադրությունը «չարության ակտ» Է որակել
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի Ներկայացուցիչների պալատի խոսնակ Նենսի Փելոսին հայտարարել Է, որ անօրինական միգրանտների զանգվածային արտաքսման սպառնալիքով նախագահ Դոնալ Թրամփը փորձում Է «ահաբեկել» հասարակությանը, տեղեկացնում Է «Արմենպրես»-ը:
Հունիսի 18-ին Թրամփը հայտարարել Է, որ հաջորդ շաբաթ ԱՄՆ-ում սկսվի անօրինական միգրանտների զանգվածային արտաքսումը: Նա հայտնել Է, որ դա կվերաբերի «միլիոնավոր անօրինական օտարերկրացիների, որոնք ապօրինի ներթափանցել են Միացյալ Նահանգներ»:
«Զանգվածային արտաքսման վերաբերյալ նախագահի նոր սպառնալիքը կատարյալ չարության եւ մոլեռանդության ակտ Է՝ միտված բացառապես այն բանին, որ սարսափ սերմանի մեր համայնքներում»,- ասված Է Փելոսիի հայտարարության մեջ, որը հրապարակված Է խոսնակի կայքում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում