ԱԻՆ-ը կանխարգելիչ միջոցառումներ է իրականացնում մայրաքաղաքի առավել հրդեհավտանգ տարածքներում
10:15, 19 Հունիս 2019
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Արտակարգ իրավիճակների նախարարությունը կանխարգելիչ միջոցառումներ է իրականացնում մայրաքաղաքի առավել հրդեհավտանգ տարածքներում՝ իրականացնելով չոր խոտածածկույթի հսկվող այրում:
«Արմենպրես»-ի հաղորդմամբ, ՀՀ ԱԻՆ-ը տեղեկացնում է, որ հունիսի 19-ի ըստ ժամանակացույցի, միջոցառումներ կիրականացվեն Իսակովի պողոտայում գտնվող Ռուսական եկեղեցու հարակից տարածքում, Նորքի 17-րդ փողոցից դեպի Գ.Հովսեփյան փողոց ընկած հատվածում, Գլինկա 2 հասցեում, Նուբարաշեն 4-րդ փողոցում, Նոյ թաղամասի հարևանությամբ, Նոր Նորքի 1-ին զանգված Լվովյան փողոցում: Աշխատանքները կմեկնարկեն 10:00-ից:
Բաժանորդագրվեք մեր ալիքին Telegram-ում