«Լոռի» ֆուտբոլային ակումբի նոր գլխավոր մարզիչը Իսպանիայից է
23:06, 18 Հունիս 2019
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: «Լոռիի» գլխավոր մարզիչ է նշանակվել իսպանացի մասնագետ Դավիդ Կամպանյան:
«Արմենպրես»-ի հաղորդմամբ՝ այս մասին հայտնում է ակումբի մամուլի ծառայությունը: Կամպանյան նախկինում աշխատել է լիտվական «Ուտենիս», իսպանական «Ալկալա» ակումբներում: Պայմանագիրը նախատեսված է մինչեւ 2020 թվականի ամառը:45-ամյա մարզիչը Հայաստան է ժամանել 3 օգնականների եւ մեկ ֆիզիոթերապեւտի հետ, որոնց մասին կհայտնենք առաջիկայում:
Հունիսի 18-ին Վանաձորի ֆուտբոլի ակադեմիայում ակումբի հիմնադիր Թովմաս Գրիգորյանը երկրպագուներին եւ ֆուտբոլիստներին ներկայացրեց գլխավոր մարզչին, երկու կողմերը ստորագրեցին պայմանագիրը:
Բաժանորդագրվեք մեր ալիքին Telegram-ում