Եվրոպա լիգայում «Փյունիկ»-ի առջև խնդիր է դրվել հաղթել յուրաքանչյուր խաղում և որքան հնարավոր է առաջ գնալ
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Շվեյցարիայի Նիոն քաղաքում, ՈւԵՖԱ-ի շտաբ-բնակարանում տեղի ունեցավ Եվրոպա լիգայի 2019-20 թթ. մրցաշրջանի որակավորման առաջին փուլի վիճակահանությունը, որի արդյունքում՝ Հայաստանի փոխչեմպիոն «Փյունիկը» կմրցի Մակեդոնիան ներկայացնող «Շկուպիի» հետ:
«Արմենպրես»-ի փոխանցմամբ, «Փյունիկ» ՖԱ-ի մարզական տնօրեն Սամ Առուստամյանը մեկնաբանել է վիճակահանության արդյունքները:
- Գո՞հ եք վիճակահանության արդյունքից:
-Սովորական վիճակահանություն էր: Կարող էին ավելի բարդ մրցակիցներ բաժին հասնել: Հիմա Եվրոպա լիգաում թույլ մրցակիցներ չկան:
- Ծանո՞թ եք մրցակցին՝ «Շկուպիի» թիմին:
- Շատ ուշադիր չեմ հետևել, բայց գիտենք, թե ինչ թիմ է «Շկուպին»: Կվերլուծենք, կպատրաստվենք: Ամենայն հավանականությամբ, ներկա կլինենք նրանց որևէ խաղի հավաքի ժամանակ:
- Ի՞նչ նպատակ է դրված «Փյունիկի» առջև:
- Հաղթել յուրաքանչյուր խաղում և որքան հնարավոր է առաջ գնալ:
Բաժանորդագրվեք մեր ալիքին Telegram-ում