ՄԱԿ-ի գլխավոր քարտուղարը կոչ Է արել ոչ մի րոպե չկորցնել կլիմայական ճգնաժամի լուծման գործում
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Կլիմայի հետ կապված խնդիրներն անհապաղ լուծում են պահանջում: Այդ մասին ասված Է այն ուղերձում, որը ՄԱԿ-ի գխավոր քարտուղար Անտոնիու Գուտերիշը հղել Է անվտանգության հարցերը տնօրինող բարձրաստիճան ներկայացուցիչների տասներորդ միջազգային հանդիպման մասնակիցներին: Հունիսի 18-ին տեքստն ընթերցել Է գլխավոր քարտուղարի տեղակալ, ՄԱԿ-ի Հակաահաբեկչական վարչության ղեկավար Վլադիմիր Վորոնկովը, տեղեկացնում Է «Արմենպրես»-ը:
«Գլոբալ կլիմայական ճգնաժամը հարցականի տակ Է դնում մեր բուն գոյությունը եւ հավասար չափով վերաբերում Է ինչպես անվտանգության հարցերին, այնպես Էլ զարգացման հարցերին: Այդ հիմնախնդրի լուծման համար անհրաժեշտ Է ավելի վճռական քաղաքական կամք, չի կարելի կորցնել ոչ մի րոպե»,- ասված Է գլխավոր քարտուղարի ուղերձում: Գուտերիշի խոսքով՝ հենց այդ պատճառով Է ինքը կլիմային նվիրված ՄԱԿ-ի գագաթնաժողով հրավիրել սեպտեմբերի 23-ին: «ՄԱԿ-ի երկրների ղեկավարներին խնդրում եմ կոնկրետ պլաններ հնչեցնել այնտեղ: Ոչ մի երկիր չի կարող միայնակ հաղթահարել այդ խնդիրները»,- ընդգծել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում