Շրջակա միջավայրի նախարարության և KfW բանկի պատվիրակությունները քննարկել են ոլորտի բարեփոխումների միջոցառումները
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Կայացել է Շրջակա միջավայրի նախարար Էրիկ Գրիգորյանի և Գերմանական զարգացման բանկի (KfW) ծրագրի ղեկավար Ալվարո Բեռիելի գլխավորած պատվիրակությունների հերթական աշխատանքային հանդիպումը։
Ինչպես «Արմենպրես»-ին տեղեկացրին ՀՀ շրջակա միջավայրի նախարարության տեղեկատվության և հասարակայնության հետ կապերի բաժնից, հանդիպմանը քննարկվել են նախարարության կողմից նախաձեռնած ոլորտի բարեփոխումների միջոցառումները և դրանցով նախատեսվող գործողությունները, մասնավորապես՝ անտառների կայուն կառավարման, կենսաբազմազանության և բնության հաոտւկ պահպանվող տարածքների պահպանության, ինչպես նաև շրջակա միջավայրի կառավարման ոլորտում օրենսդրական և ինստիտուցիոնալ բարեփոխումներին վերաբերող հարցեր։ Կողմերը դիտարկել են նաև իրականացվող միջոցառումներին KfW բանկի կողմից աջակցության տրամադրման հարցերը։
Հանդիպանը հաջորդել են աշխատանքային քննարկումները՝ շրջակա միջավայրի նախարարության հիմնական մասնագիտական ստորաբաժանումների պատասխանատուների հետ։
Բաժանորդագրվեք մեր ալիքին Telegram-ում