Նիգերիայում ահաբեկչության հետևանքով 30 մարդ է զոհվել
18:37, 17 Հունիս 2019
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Նիգերիայում պայթյունների հետևանքով զոհվել է 30, տուժել 39 մարդ: «Արմենպրես»-ի հաղորդմամբ, «Ինտերֆաքս»-ը տեղեկացնում է, որ պայթյունները կազմակերպել և իրականացրել է 3 մահապարտ-ահաբեկիչ:
Ահաբեկչությունը տեղի է ունեցել Կոնդուգա քաղաքում՝ մարդաշատ վայրում, երբ քաղաքացիները դիտում էին ֆուտբոլային խաղ: Պայթյունը տեղի ունեցել նրանցից մի քանի կիլոմետր հեռավորության վրա:
CNN-ը տեղեկացնում է, որ պայթյունները կազմակերպողներից երկուսը աղջիկներ են: Տարիքը դեռ չի հրապարակվում:
Ահաբեկչության պատասխանատվությունը դեռ որևէ կազմակերպություն չի ստանձնել:
Բաժանորդագրվեք մեր ալիքին Telegram-ում