«Փյունիկ»-ը նոր համալրում ունի կազմում
09:33, 17 Հունիս 2019
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Երևանի «Փյունիկ»-ը նոր ֆուտբոլիստ ունի, որն արդեն միացել է թիմին:
«Արմենպրես»-ի հաղորդմամբ` այս մասին հայտնում է ակումբի մամուլի ծառայութունը: «Փյունիկ»-ը պայմանագիր է կնքել 23-ամյա ռուս պաշտպան Անտոն Բելովի հետ: Բելովը Մախաչկալայի «Անժիի» սան է և կարիերայի ընթացքում հասցրել է վարձավճարով հանդես գալ «Սոկոլ-2»-ում, «Զենիթ Պենզայում» և «Զորկիում»:
Ֆուտբոլիստի նախորդ ակումբը եղել է «Անժին»:
Ավելի վաղ «Փյունիկ»-ից հեռացել էր 33-ամյա ուկրաինացի կիսապաշտպան Մաքսիմ Տրուսևիչը: Լրացել է ֆուտբոլիստի հետ պայմանագրի ժամկետը:
Բաժանորդագրվեք մեր ալիքին Telegram-ում