1000х90.jpg (78 KB)

Երևանում՝ 11:07,   28 Մարտ 2024

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Չինաստանի նախագահն Էրդողանին առաջարկել է ընդլայնել համագործակցությունն 
ահաբեկչության դեմ պայքարում

ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Չինաստանի նախագահ Սի Ծինփինը Դուշանբեում Թուրքիայի նախագահ Ռեջեփ Թայիփ Էրդողանի հետ հանդիպման ժամանակ առաջարկել է նրան ընդլայնել երկու երկրների միջև համագործակցությունը ահաբեկչության դեմ պայքարում: Ինչպես հաղորդում է «Արմենպրես»-ը, այս մասին ասվում է Չինաստանի արտաքին գործերի նախարարության հայտարարության մեջ:

«Ներկայում կողմերը պետք է վճռականորեն աջակցեն մեկը մյուսին արմատական հետաքրքրություն ներկայացնող հարցերում, ամրապնդեն համագործակցությունը ահաբեկչության դեմ պայքարի ոլորտում»,- նշել է Սի Ծինփինը:

Նա ընդգծել է, որ մեծ նշանակություն է հատկացնում թուրք-չինական հարաբերություններին: Չինաստանի նախագահը պատրաստակամություն է հայտնել Էրդողանի հետ աշխատել երկկողմ բարեկամությունը փոխվստահության վերածելու ուղղությամբ:

Նշելով, որ Թուրքիան մեծ ուշադրություն է հատկացնում Չինաստանի հետ հարաբերությունների զարգացմանը՝ Էրդողանը հայտնել է, որ իրենք պատրաստ են ընդլայնել համագործակցությունը առևտրա-տնտեսական ու ֆինանսական, ինչպես նաև ենթակառուցվածքների ոլորտներում:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]