Կառավարությունը 14.4 մլն դրամ հատկացրեց Քննչական կոմիտեին
12:37, 13 Հունիս 2019
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Կառավարությունը պահուստային ֆոնդից 14.4 մլն դրամ հատկացրեց ՀՀ քննչական կոմիտեին:
Արդարադատության նախարարի տեղակալ Աննա Վարդապետյանը նշեց, որ միջոցներն ուղղվելու են Երևան քաղաքի Մալաթիա-Սեբաստիա վարչական շրջանի քննչական բաժնի, Լոռու մարզային քննչական վարչության և Արարատի մարզային քննչական վարչության Վեդիի քննչական բաժնի վարչական շենքերի կապիտալ հիմնանորոգմանն ու ընթացիկ նորոգման աշխատանքներին:
«Արդյունքում՝ կապահովվի կոմիտեի վերոնշյալ տարածքներում աշխատանքների բնականոն ընթացքը»,- «Արմենպրես»-ի հաղորդմամբ, ասաց Վարդապետյանը:
Բաժանորդագրվեք մեր ալիքին Telegram-ում