Մեքսիկայում լրագրողուհու են սպանել. Milenio
10:36, 12 Հունիս 2019
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Մեքսիկայի հարավ արեւելքի Տաբասկոյի նահանգի Ուիմանիգիլիո շրջանում հունիսի 11-ի երեկոյան (Երեւանի ժամանակով հունիսի 12-ի առավոտյան) լրագրողուհի Նորմա Սարաբիան անհայտ հանցագործների կողմից սպանվել Է իր տան մոտ: Այդ մասին, ինչպես տեղեկացնում Է «Արմենպրես»-ը, հայտնել Է Milenio թերթը:
Նախնական տվյալներով՝ հարձակմանը մասնակցել Է զինված երկու տղամարդ, որոնց առայժմ չի հաջողվել բռնել: Իշխանությունները ձեռնամուխ են եղել սպանության հետաքննությանը: Հանցագործների հնարավոր շարժառիթների վերաբերյալ տեղեկություններ չեն հրապարակվել: Սարաբիան վերջին մի քանի տարիներին աշխատում Էր Tabasco Hoy տարածաշրջանային թերթում:
Մարդու իրավունքների ազգային հանձնաժողովի տվյալներով՝ 2000 թվականից Մեքսիկայում սպանվել են ԶԼՄ-ների 145-ից ավելի աշխատակիցներ: «Թղթակիցներ առանց սահմանների» կազմակերպության հաշվարկների համաձայն՝ 2018 թվականին լատինամերիկյան այդ երկրում բռնության զոհ են դարձել ինը լրագրողներ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում