Շտապօգնության բյուջեն կավելանա 1 մլրդ դրամով. սպասվում է աշխատավարձերի բարձրացում
14:35, 11 Հունիս 2019
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Հայաստանում «Շտապօգնության» ծառայության բյուջեն մյուս տարի կավելանան մոտ 1 մլրդ դրամով: Դա կբերի աշխատավարձերի բարձրացման, աշխատակիցների թվի ավելացման: «Արմենպրես»-ի հաղորդմամբ` այս մասին լրագրողների հետ զրույցում ասաց ՀՀ առողջապահության նախարար Արսեն Թորոսյանը:
«Մյուս տարվա բյուջետային հայտով նախատեսել ենք «Շտապօգնության» բյուջեի մոտ 1 մլրդ դրամի աճ: Դա նշանակելու է թե աշխատավարձի բարձրացում, թե հավելյալ խմբերի ներգրավում, որպեսզի կարողանան կանչերը ժամանակին սպասարկել»,-ասաց Թորոսյանը:
Նա դժվարացավ ասել, թե որքանով կբարձրանան աշխատավարձերը, տարբեր տեղեր կարող է բարձրացումը տարբեր չափով լինել: Նախարարը հավաստիացնում է՝ բարձրացումը շոշափելի կլինի:
Բաժանորդագրվեք մեր ալիքին Telegram-ում