Կառավարությունն առաջարկում է միկրոձեռնարկատիրության սուբյեկտների վարձու աշխատողների աշխատավարձն անկախ չափից հարկել 5000 դրամով
ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Կառավարությունն առաջարկում է, որ միկրոձեռնարկատիրության սուբյեկտների մոտ վարձու աշխատողներն անկախ աշխատավարձի չափից վճարեն 5000 դրամ հարկ: «Արմենպրես»-ի հաղորդմամբ՝ այս մասին ԱԺ-ում Հարկային օրենսգրքի փոփոխությունների փաթեթի քննարկմանն ասաց Ֆինանսների փոխնախարար Արման Պողոսյանը:
«Հիմա, եթե ԱԺ-ն ընդունի կառավարության առաջարկը և սահմանվի 23% համահարթ եկամտային հարկի դրույքաչափ, միկրոձեռնարկատիրության սուբյեկտների մոտ աշխատողներն իրենց եկամտային հարկերը վճարելու են ոչ թե 23% հաշվարկված չափով, այլ ֆիքսված 5000 դրամ»,-ասաց Պողոսյանը:
Նա նշեց, որ միկրոձեռնարկատիրության համար նախատեսվում է, որ լինի առավելագույնս պարզ համակարգ: Նախարարը շեշտեց, որ ՀԴՄ-ի կիրառությունը պարտադիր է լինելու:
Բաժանորդագրվեք մեր ալիքին Telegram-ում