Ժամանակը Երևանում՝ 11:07:36,   9 Ապրիլ

Բոբրույսկի հայ համայնքի 20-ամյակին նվիրված միջոցառումներ են տեղի ունեցել

Բոբրույսկի հայ համայնքի 20-ամյակին նվիրված միջոցառումներ են տեղի ունեցել

ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Բելառուսի Բոբրույսկի հայ համայնքի կազմավորման 20-ամյակին նվիրված միջոցառումներ են կայացել մայիսի 25-ին:  

Ինչպես հաղորդում է «Արմենպրես»-ը, հոբելյանական միջոցառմանը ԲՀ-ում ՀՀ դեսպան Արմեն Ղևոնդյանն իր խոսքում, շնորհավորելով համայնքային կառույցի ձևավորման 20-ամյակի կապակցությամբ, կարևորել է այն, որ Բոբրույսկի հայ համայնքը՝ ներդաշնակ ներգրավված լինելով բելառուսական հասարակության կյանքում, իր գործունեության առաջին իսկ օրվանից ստանձնել է երկու կենսական գործառույթ․ նպաստել երկու ժողովուրդների միջև բարեկամության ամրապնդմանն ու, միաժամանակ, պահպանել ազգային ինքնությունը, լեզուն, ավանդույթները։

Բոբրույսկի հայ համայնքի ղեկավար Արշակ Թանդիլյանն իր ելույթում խոսել է համայնքի անցած ճանապարհի ու հայտնի ներկայացուցիչների մասին։

Միջոցառմանը ներկա են գտնվել նաև Հայաստան մինսկյան քաղաքային մշակութալուսավորչական միության նախագահ Գեորգի Եղիազարյանը, Մոգիլյովի մարզային հայկական սփյուռքի նախագահ Կարեն Փամբուխչյանը, Բոբրույսկի և Բելառուսի հայ համայնքի ներկայացուցիչներ։

Հոբելյանական տոնակատարությունների շրջանակներում հանդիսավոր պայմաններում Բոբրույսկի հայկական կիրակնօրյա դպրոցի յոթ ունկնդիրներին հանձնվել են ավարտական անդորրագրերը։





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ