Էդմոն Մարուքյանն ընդունել է Մոլդովայի հայ համայնքի ղեկավարին
14:41, 27 Մայիս 2019
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանն ընդունել է Մոլդովայի հայ համայնքի ղեկավար, Մոլդովայի խորհրդարանի պատգամավոր Հայկ Վարդանյանին։
Ինչպես «Արմենպրես»-ին հայտնեցին »Լուսավոր Հայաստան» կուսակցության մամուլի ծառայությունից, հանդիպման ժամանակ կողմերը քննարկել են հայ-մոլդովական հարաբերությունների և միջխորհրդարանական համագործակցության, Մոլդավայի հայ համայնքի կյանքի և համայնքի հետ հարաբերությունների զարգացման հետ կապված մի շարք հարցեր։
Բաժանորդագրվեք մեր ալիքին Telegram-ում