Պերուում տեղի ունեցած երկրաշարժի հետևանքով մեկ մարդ զոհվել է. կա 11 վիրավոր
09:46, 27 Մայիս 2019
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությանը մայիսի 26-ին, ժամը 20:18-ին տեղեկություն է հաղորդվել, որ ժամը 11:41-ին ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հարավային լայնության 5.790 և արևմտյան երկայնության 75.290 աշխարհագրական կոորդինատներով (Պերու՝ Յուրիմագուասի քաղաքից 92 կմ արևմուտք), օջախի 110 կմ խորությամբ, 8 մագնիտուդով երկրաշարժ:
Ինչպես «Արմենպրես»-ին հայտնեցին արտակարգ իրավիճակների նախարարությունից, ստորգետնյա ցնցման ուժգնությունն էպիկենտրոնում կազմել է 8 բալ:
Ըստ «РИА Новости» լրատվական գործակալության՝ կա 1 զոհ և 11 վիրավոր:
Բաժանորդագրվեք մեր ալիքին Telegram-ում