ՌԴ ԱԳՆ-ն պարզաբանել Է Ռուսաստան Վիկտորյա Նուլանդի մուտքի արգելումը
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Ռուսաստանի արտաքին գործերի նախարարությունը պարզաբանել Է, թե ինչու են ԱՄՆ-ի պետքարտուղարի Եվրոպայի եւ Եվրասիայի գործերով նախկին օգնական Վիկտորյա Նուլանդին արգելել այցելելու երկիր, տեղեկացնում Է «Արմենպրես»-ը՝ հղում անելով ՏԱՍՍ-ին:
Գերատեսչության տվյալներով՝ Նուլանդը ներառված Է սեւ ցուցակում, որն ստեղծվել Է ի պատասխան պատժամիջոցների ամերիկյան ցուցակների: Ռուսաստանը չի հրապարակել այն անձանց ամբողջական ցուցակը, որոնց արգելված Է մուտքը երկիր:
Մայիսի 23-ին ավելի վաղ հայտնի Է դարձել, որ Նուլանդին մերժել են Ռուսաստանի այցագրի հարցում: Նա պատրաստվում Էր այցելելու մայիսի 20 – 21-ը Մոսկվայում ծրագրված խորհրդաժողով, որի կազմակերպիչներն են Ռուսաստանի միջազգային գործերի խորհուրդը,Գերմանիայի արտաքին քաղաքականության ընկերությունը եւ Ջոն Հոփքինսի համալսարանի միջազգային հեռանկարային հետազոտությունների դպրոցը:
Բաժանորդագրվեք մեր ալիքին Telegram-ում