Եգիպտոսում մայիսի համար ռեկորդային բարձր ջերմաստիճան է գրանցվել
21:56, 22 Մայիս 2019
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Եգիպտոսում մայիսի 22-ին գրանցվել է այդ ամսվա համար ռեկորդային բարձր ջերմաստիճան: Մայրաքաղաք Կահիրեում օդի ջերմաստիճանը հասել է 43 աստիճանի, իսկ արևի ճառագայթների ներքո ջերմաչափը ցույց է տվել 50 աստիճան: Ինչպես հաղորդում է «Արմենպրես»-ը, այս մասին հայտնում է ՏԱՍՍ-ը:
Երկրի հարավում ջերմաստիճանը հասել է 45 աստիճանի:
Օդերևութաբանները նախազգուշացրել են, որ առաջիկայում ջերմաստիճանը հասնելու է իր գագաթնակետին և մայրաքաղաքային շրջանում գրանցվելու է 46 աստիճան տաքություն:
Նման պայմաններում երկրում տրանսպորտն աշխատում է հատուկ ռեժիմով, դպրոցներում միառժամանակ դադարեցվում են դասերը:
Բաժանորդագրվեք մեր ալիքին Telegram-ում